നറുതുള്ളി മണ്ണിനെ ചുംബിക്കവേ ,

ഉയരുമീ ഗന്ധം 

നാട്ടുമാവിൻ പൊത്തിലെ ,

ഓർമ്മതൻ 

സ്വപ്ന ഗോപുര നടയിലുറക്കിയ 

കളിപ്പാവയെ ഉണർത്തുന്നു .

അതിൻ അടയാത്ത മിഴികൾ

സാക്ഷിയായി ,

മണ്ണിലൊളിച്ച മഴപ്പാറ്റകൾ 

കൂടുവിട്ടകലുന്നു .

വാഴയില മറവിനാൽ ,

നനയാതെ കാത്ത് - 

സ്നേഹം മഴയാക്കി  മാറ്റിയ

ഏട്ടത്തിയുമാ മഴയത്ത്

 ഒഴുകിയകലുന്നു .
ഓർമ്മകൾ പുഴയായൊഴുകുന്നു
ഓർമ്മതൻ നിലയില്ലാക്കയത്തിലാ 

ഓർമ്മകളെ മറക്കാനവക്യാവില്ല !

ഇത് മറവിയെത്താത്ത 

മഴത്തുള്ളികൾ.

മേഘശകലങ്ങളെനിയും 

മഴയായ് പെയ്യട്ടെ .

അതിൻ ലാളനയേറ്റാ,

മരപ്പാവ ഉറങ്ങട്ടെ .
ഇനിയൊരു ഓർമ്മക്ക്യായവ
ഉണരാതിരിക്കട്ടെ